Türkiyə milli müdafiə naziri Hulusi Akar Ukraynanın müdafiə naziri Aleksey Reznikov ilə telefon danışığı aparıb.
KONKRET.az-ın məlumatına görə, bu barədə Nazirlikdən bildirilib.
Qeyd olunub ki, danışıq zamanı ən qısa zamanda Ukraynada atəşkəs elan edilməsinin vacibliyi, Türkiyənin ticarət gəmilərinin və A400 təyyarələrinin ölkəyə təhlükəsiz şəkildə gəlməsinin təmin edilməsi mövzuları müzakirə olunub.
Bundan əlavə, nazir Akar bir daha Türkiyənin Ukraynaya humanitar yardım üçün üzərinə düşəni etməyə davam edəcəyini vurğulayıb.