Türkiyənin İğdır bölgəsində azərbaycanəsilli qadın yaşadığı evdə ölü tapılıb.
KONKRET.az oxu.az-a istinadla xəbər verir ki, bu barədə “İhlas” xəbər agentliyi məlumat yayıb.
Bildirilib ki, gecə saatlarında evdən gələn silah səsləri ilə əlaqədar qonşular hüquq-mühafizə orqanlarına məlumat veriblər.
Hadisə yerinə gələn asayiş keşikçiləri Əli Mamakın və azərbaycanəsilli Maisə Bayramovanın silahla vurulduqlarını müəyyənləşdiriblər.
Hər iki şəxs aldığı xəsarətlərdən hadisə yerində ölüblər.
Faktla bağlı araşdırma aparılır.
