Türkiyənin İzmir vilayətinin Çeşme rayonunda yaşayış yerlərinə yaxın ərazidə güclü yanğın baş verib.

KONKRET.az xəbər verir ki, rayonun mərkəzi hissəsindəki fındıq bağlarında başlayan yanğın bölgədə əsən güclü küləyin təsirindən qısa zaman ərzində ətrafa yayılıb.

Hazırda yanğının havadan və qurudan söndürülməsi işləri davam etdirilir.

Hadisə baş verən bölgəyə yanğınsöndürmə maşınları ilə yanaşı, helikopterlər də cəlb olunub.