Türkiyənin Xarici İşlər Nazirliyi Belçika Ali Məhkəməsinin PKK terror təşkilatı ilə əlaqəli olan 36 fərdi və hüquqi şəxsə qarşı prokurorluğun 2010-cu ildə başlatdığı istintaqın qarşısını alan qərarını təsdiqləməsinə reaksiya göstərib.
KONKRET.az Türkiyə mediasına istinadən xəbər verir ki, açıqlamada deyilir ki, bu qərar PKK-ya açıq bir dəstəkdir: “Belçika məhkəməsinin bu qərarı aralarında uşaqların, hətta körpələrin də olduğu 40 mindən çox vətəndaşımızın ölümündən məsul olan və Avropa Birliyinin terror təşkilatları siyahısında yer alan PKK-ya açıq bir dəstəkdir. Belçika hökuməti bu ağır və ziddiyyətli qərarın dərhal düzəldilməsi üçün bütün addımları atmalıdır”.
KONKRET.az