2019-cu ildə vergi və gömrük xidmətləri büdcəyə nəzərdə tutulandan artıq vəsait toplayıblar.

KONKRET.az xəbər verir ki, bu ğarədə Prezident İlham Əliyev Yeni İl münasibətilə Bayram Təbrikində bildirib.

Dövlət başçısı bildirib:

“Şəffaflıq baxımından bu il çox uğurlu il olmuşdur. Vergi və gömrük orqanları xəzinəyə plandan əlavə 1 milyard manatdan çox vəsait daxil etmişlər və əlbəttə, bu, imkan verir ki, – əminəm, bu meyil gələn il də müşahidə olunacaq, – biz daha geniş miqyasda sosial və infrastruktur layihələri icra edək”.

Qeyd edək ki, Dövlət Statistika Komitəsinin məlumatına görə, hələ ilk 11 ayın sonunda büdcədə 956 milyon manat artıq vəsait toplanmışdı.