Avstraliyalı siyasətçi Barnabi Coys ötən gün çox maraqlı vəziyyətdə çəkdirdiyi videosu ilə gündəmə gəlib.
KONKRET.az xəbər verir ki, ölkənin 56 yaşlı keçmiş baş nazirinin müavini Barnabi Coysun Kanberranın Lonsdeyl küçəsində yerdə uzanmasının videosu yayılıb.
Mənbələr bildiriblər ki, siyasətçi böyük bir çiçək qabının üstündə oturaraq telefonla həyat yoldaşı Vikki Kampion ilə danışırmış. Bu zaman müvazinətini itirən siyasətçi yerə yıxılıb və heç nə olmayıbmış kimi uzanıqlı vəziyyətdə söhbətə qaldığı yerdən davam edib.
Görüntülər yayıldıqdan sonra buna münasibət bildirən siyasətçi “məni videoya çəkən birinin olduğunu bilsəydim, daha tez ayağa qalxardım” deyib.
Video və fotoların yayılmasındasn sonra bəzi insanlar siyasətçini istefaya çağırıb.
Akademik və siyasi yazıçı Cenni Hokinq da sosial şəbəkə hesabından Coysu sərt şəkildə tənqid edib.
Natiq Səlim,
KONKRET.az