Xaçmaz Rayon Polis Şöbəsinin rəisi Həmid Həsənov Dünya Azərbaycanlılarının Həmrəylik günü və Yeni İl münasibətilə xaçmazlıları təbrik edib. Hər bir ailəyə səadət, xoşbəxtlik, əmin-amanlıq və yeni uğurlar arzulayıb.
KONKRET.az xəbər verir ki, şöbə rəisi həmçinin sakinləri bayram günlərində asayişin və təhlükəsizliyin qorunmasında ayıq-sayıq olmağa səsləyib. İnsanları yüksək əhval-ruhiyyəni və dincliyi pozan, sağlamlığa zərər yetirən hərəkətlərdən çəkinməyə çağırıb.
Həmid Həsənov hansısa xoşagəlməz hallar baş verərsə, sakinlərin dərhal DİN-in “102 Zəng Mərkəzi” Xidmətinə məlumat vermələrini xahiş edib.
Hazırladı: Cəlal FƏRZƏLİYEV, Günel MUSEYİB