Kocaelidə (Türkiyə) tənha yaşayan 64 yaşlı qadının kofesinə ekstazi həbi qoyaraq zorla cinsi əlaqəyə girərək onun ölümünə səbəb olan şəxslər məhkəmə qarşısına çıxarılıb.
KONKRET.az xəbər verir ki, özlərini müdafiə edən şəxslər yaşlı qadının səhvən həb ilə qəhvə içdiyini söyləyiblər. Məhkəmə təqsirləndirilən şəxslərin həbs-qətimkan tədbirinin davam etdirilməsinə qərar verib və iclası təxirə salıb.
Qeyd olunur ki, 64 yaşlı Hatice Çetinbaş oğlu tərəfindən evində ölü tapılıb. Yarılma zamanı Çetinbaşın döyülərək və cinsi təcavüzlə öldürüldüyü müəyyən edilib. Polis qruplarının başlatdığı araşdırmada Zəfər K. və Resul K. adlı şəxslərin hadisə günü Çetinbaşın evinə girdiyi müəyyən edilib. Onlar Çetinbaşın qəhvəsinə ekstazi həbi qoyaraq cinsi əlaqədə olduqlarını və telefonunu götürərək hadisə yerindən qaçdıqlarını etiraf ediblər.
/milli.az/