Yevlaxda gənc qız özünü nəqliyyat körpüsündən çaya atıb.

KONKRET.az-ın bölgə müxbirinin verdiyi məlumata görə, hadisə Kür çayı üzərindən keçə körpüdə baş verib.

Belə ki, 24 yaşlı Firuzə Novruz qızı Mustafayeva gözlənilmədən özünü çaya atıb.

Fövqəladə Hallar Nazirliyinin Sularda Xilasetmə Xidməti əməkdaşlarının çevik müdaxiləsi nəticəsində gənc xanım xilas edilib.

Xilasedicilər tərəfindən sahilə çıxarılan F.Mustafayeva həkim briqadasına təhvil verilib.

Faktla bağlı araşdırma başlanıb.

Ehtiram Muradov,

KONKRET.az