Ukrayna Prezidenti Vladimir Zelenski İsrailin Baş naziri Benyamin Netanyahu ilə görüşdə yəhudilər haqqında üç hekayə danışıb.

KONKRET.az Ukrayna mediasına istinadən xəbər verir ki, görüş zamanı İsrailin Baş naziri Holokost zamanı yəhudi xalqına verdiyi dəstəyə görə Ukraynaya minnətdarlığını bildirib. Netanyahu İranda Ukrayna təyyarəsinin vurulmasına görə başsağlığı verib. Onun sözlərinə görə, bu gün o, informasiya texnologiyaları, turizm sahəsində texnoloji-texniki əməkdaşlığı, eləcə də hər iki ölkənin demokratiyaları üçün təhlükələrin qarşısının alınması məsələsini Zelenski ilə müzakirə edəcək. Zelenski isə öz növbəsində İsrailin Ukraynanın Yaxın Şərq regionunda əsas ticarət tərəfdaşlarından biri olduğunu vurğulayıb.

“Əminəm ki, 2019-cu ilin yanvarında ölkələrimiz arasında azad ticarət haqqında imzalanmış Saziş qarşılıqlı ticarət dövriyyəsinin daha da artmasına kömək edəcək. Onun müddəalarının tətbiqi ticarət dövriyyəsini qısa perspektivdə 2 milyard dollara qədər artırmağa kömək edə bilər”, – deyə prezident bildirib.

Holokostdan danışan Zelenski qeyd edib ki, bu fəlakətdə Ukraynada nasist terroru zamanı bir milyondan çox yəhudi, dörd milyondan çox ukraynalı və digər millətlərin nümayəndələri məhv edilib. Zelenski Benjamin Netanyahuya nasistlərdən qaçan Ukraynadakı yəhudilər haqqında üç qısa hekayə danışıb. “Mənim indi sizə danışmaq istədiyim üç mühüm tarixim var – Holokost və İkinci Dünya müharibəsi haqqında. Bu hekayələri yadınıza salmaq istərdim”, – deyib. Bir hekayə bir müsəlman qadını Saida Arifova haqqındadır. O, Krımda uşaq bağçasında tərbiyəçi idi və 88 yəhudini xilas edib. Onları Krım tatarları kimi təqdim edib.

İkincisi, yəhudiləri xilas edən yunan-katolik dininin ukraynalı keşişi Yemelyana Kovçe haqqındadır. O, evdə altı uşağı gözləsə də, Maydanek düşərgəsində 700 məhbusu tək buraxmayıb. “Bu hekayələr əslində bir şeydir: sənin millətinin, dininin, yaşının, cinsinin, doğulduğu yerin əhəmiyyətini itirir, sənin yaxşı ürəyindən xəbər verir. Mən daha bir əhvalatı – dörd qardaşın olduğu ailənin tarixini danışacağam. Onlardan üçü, həmçinin valideynləri Holokostun qurbanı olublar: onları Ukraynaya soxulmuş alman işğalçıları güllələyiblər. Dördüncü qardaş sağ qalıb. O vaxt cəbhədə olub. O sağ dönüb, İkinci Dünya Müharibəsini keçib, nasizm və insan alveri ideologiyası üzərində qələbəyə töhfə verib. Müharibədən iki il sonra onun oğlu, 31 il sonra isə nəvəsi dünyaya gəlib. 40 ildən sonra nəvəsi prezident oldu – cənab Baş nazir, bu gün də sizin qarşınızda durur”, – deyə Zelenski bildirib.

“Bu həssas hekayələrdir – qeyri-yəhudilər yəhudiləri necə xilas ediblər. Və ailə tarixi… Həyat uğrunda mübarizə, gələcək üçün mübarizə – əsil hekayələr budur”, – Netanyahu bildirib.

KONKRET.az