Məşhur futbolçu Arda Turan Muğlanın Marmaris rayonunda zəlzələdən zərərçəkənlər üçün futbol meydançasına gəlib.

KONKRET.az xəbər verir ki, zəlzələdən zərərçəkənlərlə futbol oynayan Arda Turan azarkeşlərinin yaratdığı izdiham səbəbindən mühafizəçiləri ilə birlikdə stadionu tərk edib.

Ötən mövsüm futbolçu karyerasına son qoyan Türkiyənin sabiq milli futbolçusu Arda Turan dünən saat 18.00-da Marmaris Rayon Stadionunda mənalı tədbir keçirmək üçün yaşıl meydançaya çıxıb.

İllərdir İspaniyanın nəhəng klubları “Barselona” və “Atletiko Madrid”, “Qalatasaray” və “A Milli” komandalarında forma geyinən Arda Turan Marmarisdə zəlzələ qurbanları və “Marmaris 1923” futbol komandası ilə futbol oynayıb.

Bəzi ailələr izdihamdan şikayətlənsə də, uşaqlar Arda Turanı görməkdən xoşbəxt olduqlarını bildiriblər. Mühafizəçilərinin müşayiəti ilə stadionu tərk edən məşhur futbolçu maşınına minərək stadionu tərk edib.//Musavat