Almaniya Böyük Britaniyanın keçmiş baş naziri Boris Consonun Rusiyanın işğalı ərəfəsində Berlinin mövqeyi ilə bağlı iddialarını qəzəblə rədd edib.

KONKRET.az xəbər verir ki, bu barədə “Gardian” nəşri yazır.

Almaniya kansleri Olaf Şoltzun sözçüsü Consonu diplomatik şəkildə tənqid edərək bu iddiaları təkzib edib:

“Biz bilirik ki, çox maraqlı keçmiş baş nazirin həmişə həqiqətlə unikal münasibəti var və bu hal istisna deyil”.

Qeyd edək ki, B.Conson CNN-ə müsahibəsində bildirib ki, Rusiyanın Ukraynaya müdaxiləsi ərəfəsində Almaniya hökuməti Ukraynanın silahı yerə qoymasını məqbul hesab edirdi.