Amerika, Britaniya, Fransa və Almaniya İranın atom proqramına qarşı birgə bəyanat yayıblar.

KONKRET.az xəbər verir ki, bu gün “Group-20” iclası çərçivəsində Amerika, Britaniya, Fransa və Almaniya İranın atom proqramı ilə bağlı müştərək bəyanat veriblər.

Bəyanatda deyilir: “Biz əmin olmaq istəyirik ki, İran heç vaxt atom silahı əldə edə bilməsin. İran zənginləşdirilmiş uran istehsal edərək təhrikedici addımlar atıb. Çünki, sülh çərçivəsində belə addımlara ehtiyac yoxdur. İranın Beynəlxalq Atom Enerjisi Agentliyi ilə əməkdaşlığı azaltması məsələni daha da narahatedici bir mərhələyə daşımışdır”.

Xuraman Etibarlı

KONKRET.az