Pakistan hökuməti hazırda həbsdə olan keçmiş baş nazir İmran Xanın bacısına onunla görüşmək icazəsi verib.

KONKRET.az xəbər verir ki, bu barədə “Geo Nyus” məlumat yayıb.

Məlumata görə, İmran Xanla görüşən bacısı Uzma Xan qardaşı barədə yayılan ölüm xəbərlərini də təkzib edib:

“İmran Xanla bağlı hər şey qaydasındadır, səhhəti normaldır. Amma onu təkadamlıq kamerada saxlayır və psixoloji işgəncələrə məruz qoyurlar”.

Qeyd edək ki, Pakistanın keçmiş baş naziri İmran Xanın ölməsi ilə bağlı məlumat yayılmışdı.