Bakı metrosunun “Gənclik” stansiyasında bir nəfər qatar yoluna düşüb.

KONKRET.az xəbər verir ki, sözügedən şəxs digər şəxslərin müdaxiləsindən sonra platformaya çıxarılıb.

“Bakı Metropoliteni” QSC-nin Mətbuat Xidmətinin rəhbəri Bəxtiyar Məmmədov bildirib ki, gənc sərnişin stansiya yoluna düşdükdən sonra dərhal yüksək gərginlik çıxarılıb.

“Təcili tibbi yardım xidməti də çağırıldı. İlkin tibbi yardımdan sonra sərnişin yoluna davam edib”, – deyə qurum rəsmisi qeyd edib.