Aprelin 12-də Xətai rayonunun Q.Məmmədov küçəsindən “Mercedes-Benz” markalı bir avtomobilin qaçırılması barədə polisə məlumat daxil olub.

KONKRET.az xəbər verir ki, bu barədə Daxili İşlər Nazirliyi məlumat yayıb.

Polis əməkdaşlarının keçirdikləri əməliyyat-axtarış tədbirləri nəticəsində nəqliyyat vasitəsini qaçırmaqda şübhəli bilinən Neftçala rayon sakini, əvvəllər məhkum olunmuş Əli Hüseynov saxlanılıb.

Xətai Rayon Polis İdarəsində araşdırma aparılır.