Sentyabrın 26-da Bakıdan Xankəndiyə növbəti humanitar yardım göndərilib.
KONKRET.az xəbər verir ki, 4 yük maşınından ibarət humanitar yardım Ağdam-Əsgəran-Xankəndi yolu ilə salınıb.
Yardıma 40 ton un, gigiyenik vasitələr, yataq dəstləri daxildir. Humanitar yardım Xankəndinə çatdırılacaq.
Həmçinin, növbəti təcili tibbi yardım maşını Xankəndi yaxınlığında yanacaqdoldurma məntəqəsində baş vermiş partlayış nəticəsində yaralanan şəxslərə tibbi ləvazimatlar aparır.
