“İran heç vaxt nüvə silahına malik olmamalıdır”.

KONKRET.az İHA–ya istinadən xəbər verir ki, bunu Britaniyanın xarici işlər naziri Ceyms Kleverli İranın uranı zənginləşdirməyə başladığını elan etdikdən sonra bildirib.

“İran nüvə proqramını daha da genişləndirir. Bu, rejimin qlobal təhlükəsizliyə yaratdığı təhlükənin daha bir sübutudur. Öz xalqına daxildə vəhşicəsinə zülm edən bir rejim, şübhəsiz ki, xaricdəki dost və müttəfiqlərimizi hədələyəcək”, – britaniyalı nazir deyib.

Qeyd edək ki, Tehran Beynəlxalq Atom Enerjisi Agentliyi (MAQATE) İdarə Heyətinin İrana qarşı qəbul etdiyi qərara cavab olaraq uranı yüksək səviyyədə zənginləşdirməyə başladığını açıqlayıb.

İqbal Rzayev,

KONKRET.az