“Bu gün Qarabağ 1992-ci ilin yanvarında gördüyüm vəziyyətdədir”.

KONKET.az xəbər verir ki, bunu Qarabağdakı qondarma rejimin “müdafiə ordusunun keçmiş mətbuat katibi” Senor Asratyan öz Facebook səhifəsində yazıb.

“Bu gün “vətən”imiz Qarabağ 1992-ci ilin yanvarında gördüyüm vəziyyətdədir. İndiki kimi o zaman da düşmənimiz eyni və qəddar idi.

Bu gün olduğu kimi o vaxt da “vətən” mühasirədə, ehtiyac içində idi. O zaman, indiki kimi, dünya inqilabi yenidən formalaşma dövründə idi.

Bu gün olduğu kimi, o zaman da “vətən”ə rəğbət bəsləyən beynəlxalq ictimaiyyət var idi…

Və nəhayət, indiki kimi, o zaman da “vətən” müqavimət göstərmək əzmində idi.

Bütün bunlardan sonra sual yarana bilər, o zaman bu günlə dünənin nə fərqi var?

Cavab: o vaxt “vətən” milləti yaşatdı, amma bu gün yaşamaq üçün “vətən”i kəsirik.

Bu gün “vətən”in yaratdığı Ermənistan ordusunun günüdür”, – deyə Asratyan yazıb.

P.S. Çox “vətən, vətən” deyirsiz, 30 ildə “vətən”inizi necə saxladığınızı, qoruduğunuzu, inkişaf etdirdiyinizi bütün dünya gördü…

Xuraman Etibarlı,

KONKRET.az