Estoniyada nikah bərabərliyi haqqında qanun qüvvəyə minib.

KONKRET.az xəbər verir ki, qanuna əsasən, cinsindən asılı olmayaraq iki yetkin şəxs evlənə bilər. Bununla da Estoniya keçmiş Sovet İttifaqında eynicinslilərin nikahını qanuniləşdirən ilk ölkə olub.

Estoniya sosial müdafiə naziri Sinje Risalo bu qanunun tətbiqini şərh edərkən “Bu, illərlə davam edən hüquqi çaşqınlığa son qoyacaq və bütün estoniyalıları təhlükəsizlik və bərabər hüquqlar hissi ilə təmin edəcək tarixi hadisədir”  deyib.

Qanunda qeyd olunur ki, həmcinsi ilə evlənən şəxslərə zəruri hallarda subsidiya və müavinətlər almaq hüququ verilir. Onlar həmçinin sadələşdirilmiş nikah prosedurunu seçə bilərlər.