Daha 5 ünvanda minib-düşmə yeri yaradılıb.

KONKRET.az xəbər verir ki, bu barədə Azərbaycan Yerüstü Nəqliyyat Agentliyi (AYNA) məlumat yayıb.

Bildirilib ki, Yasamalın A.M.Şərifzadə küçəsində Respublika Klinik Xəstəxanasının, 2 nömrəli Bakı Baza Tibb Kollecinin, “Kontakt Home” və “İrşad Telecom”un qarşısında, eləcə də Cəfər Cabbarlı küçəsində “Amber Hotel”in qarşısında təşkil edilib və müvafiq lövhə yerləşdirilib.

Qeyd edilib ki, məqsəd avtobus zolaqlarında ictimai nəqliyyatın hərəkətinə mane olmadan sərnişinlərin minib-düşməsinə imkan yaratmaqdır.