Çində ötən sutka koronavirusa rekord yoluxma qeydə alınıb.

KONKRET.az xəbər verir ki, ölkənin Milli Səhiyyə Komissiyası 32 943 nəfərdə virusun aşkar edildiyini açıqlayıb.

Məlumata görə, xəstəliyin simptomları 3103 xəstədə aşkar edilib, 29 840 nəfərdə bu, asimptomatik olub.

Ən çox yoluxma Çinin cənub-şərqindəki Quandun əyalətinin payına düşüb – 8 499.

Pandemiya başlayandan Çində 300 600 nəfərdə koronavirus müəyyən edilib, onların 5 232 nəfəri ölüb.

Çində növbəti infeksiya epidemiyası fonunda məhdudiyyətlər tətbiq olunmağa başlayıb. Belə ki, Quandun da daxil olmaqla bəzi əyalətlərdə məktəblər və universitetlər distant rejimə keçib, uşaq bağçalarının fəaliyyəti dayandırılıb. Pekin rəsmiləri PZR testinin mənfi nəticəsi olmayan sakinlərin ictimai yerlərə getməsini qadağan edib.