Ermənistanda bir sıra siyasi analitiklər ölkədə və regionda xoşagəlməz hadisələrin baş verəcəyini proqnozlaşdırırlar. Qəribəsi isə budur ki, İsrail, Türkiyə və Rusiyada baş verən ən xırda detallara diqqət çəkən analitiklər erməniləri ayıq-sayıq olmağa çağırırlar.

KONKRET.az siyasi analitik Vardan Balyanın da son açıqlamasını bu qəbildən hesab edir. Belə ki, o, özünün facebook səhifəsində İsraildə baş verən bir hadisə ilə Rusiyadakı prosesləri paralel təhlil edərək erməni cəmiyyətinə ciddi xəbərdarlıq edir. Həmin yazını oxucuların diqqətinə çatdırırıq:

“Keçən həftə İsrailin hərbi təlim bazasından şifrələmə daxil olmaqla xüsusi təyinatlı qüvvələrin avadanlığı oğurlanıb. Mütəxəssislər vəziyyətin mürəkkəbliyini başa düşürlər. İran və Rusiya xüsusi xidmət orqanlarının mümkün iştirakı, habelə cinayət mənşəli olması da daxil olmaqla dövriyyədə olan bir neçə fərziyyə mövcuddur. 2020-ci ilin dekabr ayında eyni bazadan 93 min patron və digər hərbi sursatlar itmişdi.

Diqqət çəkən məqamlardan biri də budur ki, həmin ilin dekabrında Taqanroq hava limanından Rusiyanın İl-80-in bir neçə elektron lövhəsi oğurlanmışdı”.

Vardan Balyan təəccübülü də olsa, diqqəti Rusiya Ordusunun Baş Qərargahı ilə Preziden arasında məlumat mübadiləsi aparan “Yom Kippur” təyyarəsinə də yönəldib. Qeyd edək ki, həmin təyyarə raket sualtı qayıqları ilə rabitə, eləcə də nüvə raket sistemləri ilə tam təchiz edilib”.

O, daha sonra yazır:

“Bu çərçivədə spekulyasiyalardan çəkinəcəyəm, amma düşünmək üçün bir səbəb var. Rusiya informasiya sferasında, bu arada, ingilis-Amerika kəşfiyyatının izindən danışırlar.

Düzü, tamamilə başqa bir səbəbdən bu casus qalmaqalına diqqət çəkirəm.

Artıq 2015-ci ilin noyabrında Rusiyada bir pilotu öldürmək ittihamı ilə Türkiyədə həbs olunan bir nəfərin sərbəst buraxılması barədə yazmışdım.

Əminəm ki, Rusiya-Türkiyə münasibətlərində bizimlə birbaşa əlaqəli və hər şeydən əvvəl bizə təsir edəcək ciddi dəyişikliklər var.

Bənzər bir vəziyyət parlament seçkilərinin 23 marta təyin olunduğu İsraillə bağlıdır. Vəziyyətin ciddiliyini anlamalısınız. Çox təəssüf edirəm ki, nə iqtidarda, nə də müxalifətdə heç bir anlayış yoxdur”.

Rəsmiyyə Şərifova,

KONKRET.az