“Dövlət borcunun nominal və nisbi həcmi idarə olunacaq həddi keçib”.

KONKRET.az xəbər verir ki, bunu Ermənistan parlamentində çıxışı zamanı Maliyyə naziri Atom Cancuqazyan deyib.

O bildirib ki, Ermənistanın borcu 7,969 milyard ABŞ dollarına çatıb.

Onun sözlərinə görə, 5,593 milyard dollar hökumətin xarici borcudur. Bu borcun qeyri-rezidentlərdən olması və əsasən valyuta ilə əks olunması risk yaradır.

Nazir qeyd edib ki, borcun 76 faizi xarici valyuta, 24 faizi isə dramla əksini tapır.