Sergey Lavrov və Hakan Fidan Yaxın Şərq və Fars körfəzindəki vəziyyəti müzakirə ediblər.

APA-nın Moskva bürosu xəbər verir ki, bu barədə Rusiya Xarici İşlər Nazirliyi məlumat yayıb.

Antalya Diplomatik Forumu çərçivəsində baş tutan görüşdə nazirlər Rusiya və Türkiyənin böhranın həlli üçün effektiv həllər hazırlamaq məqsədilə daha da konstruktiv əməkdaşlığa can atdıqlarını vurğulayıblar.

“Tədbir çərçivəsində Həsən Fidanla keçirilən ikitərəfli görüşdə beynəlxalq və regional gündəliyin əsas aspektləri, o cümlədən Fars körfəzi və Yaxın Şərqdəki vəziyyət ətraflı müzakirə edilib. Rusiya və Türkiyə böhranın həlli üçün effektiv həll yolları hazırlamaq məqsədilə daha da konstruktiv əməkdaşlığa qarşılıqlı sadiqliklərini bir daha təsdiqləyiblər. Nazirlər Rusiya-Türkiyə dialoqundakı mövcud siyasi məsələlərlə bağlı qeydləri və ticarət, iqtisadi və enerji əməkdaşlığının əsas məqsədlərini müzakirə ediblər. Gələcək təmaslar üçün qrafik razılaşdırılıb”, – Rusiya XİN-nin məlumatında qeyd olunub.