Hindistanda 26 nəfər ildırım vurması nəticəsində həlak olub.

KONKRET.az xarici mətbuata istinadən xəbər verir ki, hadisə Bihar ştatında qeydə alınıb.

Bu, son bir həftə ərzində üçüncü kütləvi ildırım vurması halıdır.

İyunun 25-də 92 nəfər, iyunun 30-da isə 11 nəfər ildırımın qurbanı olmuşdu.

Buna səbəb kimi insanların ildırım vaxtı tarlada işləməyə davam etmələri göstərilir.

Sinoptiklərin məlumatına görə, yağışlı hava və ildırım daha bir neçə gün davam edəcək.