Amerikalı milyarder İlon Mask Rusiyanın hərbi müdaxiləsinə qarşı mübarizədə Ukraynaya dəstək verib və bu ölkənin “Starlink” peyk internetinə çıxışını təmin edib.
KONKRET.az UNION-a istinadla xəbər verir ki, bunu Ukraynanın rəqəmsal transformasiya naziri Mixail Fedorov deyib.
“Tesla Inc.” şirkətinin rəhbəri İlon Mask isə xəbəri təsdiq edib: ““Starlink” xidmətləri artıq Ukrayna üçün əlçatandır. Növbəti dəfə daha çox terminallar”, – Mask, tviterdə yazıb.
Qeyd edək ki, Ukrayna Baş nazirinin müavini Mixail Fyodorov “Tesla Inc.” şirkətinin rəhbəri İlon Maskdan ölkəsinin “Starlink” peyk internetinə çıxışın təmin edilməsi ilə bağlı xahiş etmişdi.
