İsrail Qəzza zolağındakı tunelləri dağıtmağa və HƏMAS yaraqlılarını məhv etməyə səy göstərəcək.

KONKRET.az xəbər verir ki, “MIG News”un məlumatına görə, müdafiə naziri İsrael Katz bu açıqlamanı yeraltında gizlənən yaraqlıların taleyi ilə bağlı müzakirələr fonunda verib.

“İsrailin Qəzzadakı siyasəti aydındır. Ordu nəzarətimiz altındakı sarı zonada məhdudiyyətlər olmadan tunelləri dağıtmaq və HƏMAS yaraqlılarını məhv etmək üzərində işləyir”, – Katz vurğulayıb.

Onun sözlərinə görə, İsrailin məqsədləri ölən girovların cəsədlərinin qaytarılması, HƏMAS-ın tərksilah edilməsi və Qəzza zolağının silahsızlaşdırılması olaraq qalır.

Nazirin açıqlaması Baş nazir Benyamin Netanyahunun Baş Qərargah rəisi Eyal Zamirin Rəfah tunellərində qalan HƏMAS yaraqlılarını mərhum döyüşçü Hadar Qoldinin cəsədi ilə dəyişdirmək təklifini rədd etməsi ilə bağlı xəbərlər fonunda gəlir.

Əvvəllər ərazidəki yeraltı tikililərdə təxminən iki yüz silahlı yaraqlının ola biləcəyi bildirilirdi. HƏMAS vasitəçilər vasitəsilə onların təxliyəsi üçün təhlükəsiz bir dəhliz istəyib.

Müşviq Tofiqoğlu

KONKRET.az