Keçmiş FTB agenti erməni mafiyası ilə əlaqədə günahkar bilinib.

KONKRET.az xəbər verir ki, bu barədə “San Francisco Standard” xəbər agentliyi məlumat yayıb.

Büronun San-Fransisko ofisinin keçmiş FTB agenti erməni mafiyası ilə əlaqəsi olan vəkildən məxfi məlumatların verilməsi müqabilində rüşvət almaqda təqsirli bilinib,

1999-2018-ci illərdə FTB agenti olmuş Babak Brumand 2015-2018-ci illərdə mafioz vəkilin müştərilərinə kömək etdiyi üçün rüşvət kimi təxminən 150 min dollar pul, şəxsi təyyarə uçuşları, otellərdə yerləşmə, fahişələr və hətta Ducati motosikleti alıb.

Sənədlərə görə, Brumand özünü məxfi mənbə kimi göstərərək adı açıqlanmayan vəkillə münasibətini gizlədib. O, vəkil adından qanunsuz məlumat bazası axtarışlarını və müştərilərinin qanuni görünməsi üçün saxta hesabatlar yazıb.

2015-ci ildə bir vəkil Brumanddan Lev Aslan Dermen kimi tanınan Levon Termencyanla bağlı FTB faylına daxil olmasını istəyib. ABŞ vəkilləri Termencyanı 2020-ci ildə Yuta federal məhkəməsində 1 milyard dollarlıq biodizel vergi krediti fırıldaqçılığı sxemində iştirak etdiyinə görə məhkum edilmiş erməni cinayət şəbəkəsinin üzvü kimi təsvir ediblər.

Brumand eyni vəkilin adından bir sıra başqa işlərə də baxıb.

Bir halda bir agent Kaliforniya ştatından 250 milyon dollar mənimsəməkdə təhqiqat altında olan Sem Sarkisin FTB faylına baxıb. Brumand vəkilə Sarkisdən uzaq durması barədə xəbərdarlıq edib.

ABŞ Prokurorluğunun məlumatına görə, 56 yaşlı Brumand bir sui-qəsd, iki rüşvət və sözügedən qeyri-qanuni fəaliyyətlərdən əldə edilən əmlak alqı-satqısı ilə bağlı bir fakt üzrə təqsirli bilinib.

2019-cu ildə təqaüdə çıxan Brumand, 2023-cü il yanvarın 30-da məhkum olunmalıdır. O, 40 ilə qədər federal həbsxanada qalacaq. Brumand hazırda həbsdədir.

Xuraman Etibarlı,

KONKRET.az