“ Azərbaycanda kredit borcu olan şəxslərin ölkədən çıxış hüququ bəzi hallarda məhdudlaşdırıla bilər. Əgər borclu şəxs borcunu üzrsüz səbəbdən ödəmirsə və onun barəsində məhkəmənin qanuni qüvvəyə minmiş məhkəmə qətnaməsi varsa məhkəmə qərarı əsasında həmin şəxsin ölkədən çıxışına müvəqqəti qadağa qoyulur.”
Bu fikirləri vəkil Turan Abdullazadə KONKRET.az-a açıqlamasında bildirib.
“ Bundan əlavə 2025-ci ilin aprel ayında Milli Məclisdə müzakirəyə çıxarılan “İcra haqqında” qanuna təklif olunan dəyişikliklərə əsasən, borcluların ölkədən getmək hüququ yeni qaydada müvəqqəti məhdudlaşdırılacaq. Təklif birinci oxunuşda qəbul olunub.”
Vəkil qeyd edir ki, borclunun ödəniş imkanı olduğu halda borcunu ödəmirsə, bu, məhkəmə tərəfindən nəzərə alınaraq ölkədən çıxışına qadağa qoyulur.
“ Əgər borclu şəxs borcunu ödəyərsə və ya tələbkar-kreditor ona qarşı hüquqi prosesi dayandırarsa, ölkədən çıxışa qoyulan qadağa yeni dəyişikliklə avtomatik olaraq götürülə bilər. “
Aynurə İsmayıl
KONKRET.az