Təyyarə qəzasından sonra Rusiya ilə Azərbaycan arasında münasibətlər kəskin xarakter alıb. Rusiya mətbuatında Azərbaycanla bağlı kampaniya aparılır və bu, siayasi dairələrdə dəstəklənir. Ümumiyyətlə, bundan sonrakı münasibətlər hansı istiqamətdə inkişaf edə bilər?

KONKRET.az-ın suallarını cavablandıran siyasi şərhçi Əziz Əlibəyli bildirib ki, əslində məsələyə bir qədər geniş müstəvidə yanaşılmalıdır:

“Dünya üç güc arasında bölüşdürülmə mərhələsindədir. Donald Trampla Çin lideri Si Tsinpin artıq razılaşma ərəfəsindədir. Amma gəlin görək onlar ənənəvi qaydada Qafqazı, Orta Asiyanı, Rusiyanın maraq dairəsində görmək istəyirlər, yoxsa  daha lokal güclər mövcuddur? Təhlil göstərir ki, Azərbaycan Türkiyə ilə birgə, Özbəkistan və Qazaxıstanın daxil olduğu güclü bir ittifaq formalaşdırmağa yaxındır. Ona görə Rusiya bundan ehtiyat edir. Məncə dünyanın bölüşdürülməsi prosesində Rusiyanın bölgədə fəallaşması bir qədər arta bilər. Kreml hesab edir ki, bu proseslərdə Azərbaycan Prezidenti İlham Əliyevi böyük bir səddir. Bu gün Rusiyanın Azərbaycana son münasibətinin arxasında da məhz bu amil dayanır”.

Vəli Həsənoğlu,

KONKRET.az