“Meymun çiçəyi” virusu adətən yalnız Afrika qitəsində rast gəlinən bir xəstəlikdir, lakin son vaxtlar Avropada yoluxmanın artması və virusun ABŞ-a yayılması dünyada qorxu yaradıb.

KONKRET.az xəbər verir ki, “meymun çiçəyi” ilk dəfə 1958-ci ildə tədqiqat üçün laboratoriyada saxlanılan meymunlarda çiçək xəstəliyinə bənzər epidemiya meydana gəldiyi zaman aşkar edilib.

İlk yoluxma halı 1970-ci ildə Konqo Demokratik Respublikasında qeydə alınıb və o vaxtdan bəri bu xəstəliyə bir sıra Mərkəzi və Qərbi Afrika ölkələrində rast gəlinir.