Misirin Xurqada kurort şəhərində Rusiya vətəndaşını öldürən köpəkbalığına Ukraynada abidə qoyulması üçün petisiya əsasında imza toplanır.

KONKRET.az xarici KİV-ə istinadən xəbər verir ki, bu barədə məlumat Kiyev şəhər administrasiyasının saytında dərc olunub.

Belə ki, Ukrayna paytaxtının tarixi mərkəzində dəniz yırtıcısı formasında abidə-fəvvarənin quraşdırılmasını nəzərdə tutur.

Məlumata görə, hazırda petisiyanı 756 nəfər imzalayıb. Şəhər rəhbərliyi tərəfindən baxılması üçün əlavə altı min imza toplanmalıdır.

Xatırladaq ki, iyunun 8-də Misirin məşhur Xurqada kurort şəhərinin çimərliyində köpəkbalığı kişiyə hücum edib. Faciənin baş verdiyi çimərlik “Dream Beach Hotel”ə məxsusdur. Ölən şəxs 23 yaşlı Rusiya vətəndaşıdır.

İqbal Rzayev,

KONKRET.az