2023-cü ildə Rusiya lideri Vladimir Putinin Dərbənd şəhərinə səfəri zamanı yaşanan hadisə yenidən gündəmə gəlib.
KONKRET.az Musavat.com-a istinadən xəbər verir ki, səfərdən sonra sosial şəbəkələrdə yayılan görüntülərdə balaca bir qızın Putini yaxından görə bilmədiyi üçün kövrəldiyi və ağladığı əks olunmuşdu. Həmin video qısa zamanda geniş yayılaraq izləyicilərin diqqətini çəkmişdi.
Daha sonra qız və ailəsinin Kremlə dəvət edildiyi bildirilib. Rusiya lideri balaca qızla görüşərək onunla səmimi söhbət edib və maraqlanıb.
Sosial şəbəkələrdə yayılan görüntülər istifadəçilər tərəfindən maraqla qarşılanıb və müxtəlif reaksiyalara səbəb olub.