“Qarabağ” Çempionlar Liqasında (ÇL) növbəti oyununa çıxıb.
KONKRET.az xəbər verir ki, Azərbaycan çempionu bu gün II təsnifat mərhələsində mübarizəyə qoşulub.
I raundda “Lex”i (Polşa) iki oyunun cəmində 5:2 (0:1, 5:1) hesabı ilə üstələyən ağdamlılar bu dəfə “Sürix”i sınağa çəkib. İsveçrə çempionu ilə Tofiq Bəhramov adına Respublika Stadionunda keçirilən ilk qarşılaşma da təmsilçimizin qələbəsi ilə yekunlaşıb.
İbrahima Vadjinin dubl etdiyi oyunda 3:2 hesablı qalibiyyət qazanan Qurban Qurbanovun yetirmələri bir həftə sonra Sürixdəki cavab matçı öncəsi kiçik üstünlük əldə edib.
Qeyd edək ki, bu komandalar arasında cavab oyunu iyulun 27-də keçiriləcək.
21:47
“Qarabağ” və İsveçrənin “Sürix” komandası arasında UEFA Çempionlar Liqasının II təsnifat mərhələsinin ilk oyununda növbəti qol vurulub.
KONKRET.az xəbər verir ki, “Sürix” 85-ci dəqiqədə Kryeziunun penaltidən vurduğu qolla fərqi minimuma endirdi: 3-2.
21:24
“Qarabağ” və İsveçrənin “Sürix” komandası arasında UEFA Çempionlar Liqasının II təsnifat mərhələsinin ilk oyununda növbəti qol vurulub.
KONKRET.az xəbər verir ki, qoldan bir dəqiqə sonra “Qarabağ” hesabı 3:1-ə çatdırıb. Vadji dubl edir.
21:17
“Qarabağ” və İsveçrənin “Sürix” komandası arasında UEFA Çempionlar Liqasının II təsnifat mərhələsinin ilk oyununda növbəti qol vurulub.
KONKRET.az xəbər verir ki, matçın 65-ci dəqiqəsində qonaqlar hesab arasındakı fərqi azaldır – 2:1. Yanik Brexer fərqlənir.
20:45
“Qarabağ” və İsveçrənin “Sürix” komandası arasında UEFA Çempionlar Liqasının II təsnifat mərhələsinin ilk oyununda növbəti qol vurulub.
KONKRET.az xəbər verir ki, komandamız 36-cı dəqiqədə ikinci dəfə rəqibi mərkəzə dəvət edib.
20:25
Bakıda “Qarabağ” və İsveçrənin “Sürix” komandası arasında UEFA Çempionlar Liqasının II təsnifat mərhələsinin ilk oyununda hesab açılıb.
KONKRET.az xəbər verir ki, “köhlən atlar” 17-ci dəqiqədə topu rəqib qapısından keçirib.
“Qarabağ”ın qolunu Kadi Borges vurub.