Hörmət dərəcəsi və nifrət reytinqi
Ruslar Ermənistanı beynəlxalq aləmdə “ləğv etmək və “korlamaq” istəyirlər”. Politoloq Ruben Meqrabyan belə hesab edir və onunla razılaşmamaq çətindir.
ABŞ-ın 2019-cu ildə Ermənistana verdiyi maddi yardımın miqdarı 60 milyon dollara çatdırıldı. “Maddi yardımın miqdarı 40% artdı. Dövlət Departamenti və Beynəlxalq İnkişaf Agentliyinin proqramlarından əlavə maliyyələşdirmə Enerji, Meşə və Müdafiə Departamentinin proqramlarını da əhatə edir”, – deyə diplomatik nümayəndəlik qeyd edib.
Məlumata görə, ABŞ Ermənistana korrupsiyaya qarşı mübarizə, demokratiya, təhlükəsizlik, enerji, təhsil, insan hüquqları, ədalət, vətəndaş cəmiyyəti sahələrində kömək edir. “Son 27 ildə ABŞ Ermənistana demokratik proseslərin inkişafı və demokratik təsisatların inkişafında kömək etdi və biz bunu, xüsusən də Ermənistanda demokratiyanın hər zaman daha güclü olduğu bir zamanda dəyişdirmək niyyətində deyilik. Buna görə fəxrlə bildiririk ki, bu il yardım 60 milyon dollardan çoxdur”. – deyə ABŞ-ın Ermənistandakı səfiri Lin Treysi açıqlayıb.
Əhəmiyyətli xəbərdir. Üstəlik, Nümayəndələr Palatasında erməni soyqırımı ilə bağlı qətnamə qəbul edildikdən dərhal sonra gələn xəbərdir. Amerika Birləşmiş Ştatlarının demokratiya yoluna qədəm qoyan dövlətlərə nə qədər səxavətli və ədalətli ola biləcəyini hamımız görürük. Bəli, bir sıra xarici mütəxəssislər ABŞ-ın Erməni Soyqırımını tanımasının Türkiyə ilə geosiyasi qarşıdurmasının nəticəsi olduğunu iddia edirlər. Ancaq əlbəttə ki, bu doğru deyil. ABŞ həmişə tarixi həqiqət və demokratiya tərəfində dayanmışdır.
Buna görə Ermənistan ən qısa müddətdə sivil demokratik dövlətlər ailəsinə qoşulmaq üçün səylərini artırmalıdır. Bu, ölkəmizin maraqlarına uyğundur – indi və dövlətin gələcək inkişafı kontekstində. Əminəm ki, Qərb və bu yalnız ABŞ deyil, həm də Avropa ölkələri bu istiqamətdəki istəklərimizi qətiyyətlə dəstəkləyəcək. Bununla belə, onlar, şübhəsiz ki, Rusiyaya təzyiq və şantajla mübarizədə Ermənistana kömək edəcəklər. Bu vaxt qeyd edirəm ki, yenidən Rusiya təxribatı ilə qarşılaşırıq.
Bildiyiniz kimi, ötən həftə Rusiya Dövlət Duması deputatlarından ibarət nümayəndə heyətinin İrəvana səfər edəcəyi barədə məlumat yayılmışdı. lap yaxşı, səfər edəcəksə, qoy etsin – adi bir şeydir. Lakin bu zaman politoloq Ruben Meqrabyan ayıq-sayıqlıq göstərdi. O, öz Facebook səhifəsində yazdı ki, Ermənistana gələcək Rusiya nümayəndə heyətinə Krımdan seçilmiş deputat Natalya Poklonskaya daxildir. Bəli, Krımın prokuroru olan həmin Poklonskaya. Krımın Rusiyaya “birləşməsindən” sonra Dövlət Dumasının deputatı olan Natalya “Krım bizimdir!” şüarını səsləndirərək “məşhurlaşdı”.
“Bu, rusların Ermənistanı beynəlxalq aləmdə yox etmək və “korlamaq” məqsədi ilə yaratmaq istədiyi problemdir”, – deyə politoloq qeyd edərək bununla bir sıra şəxslərin diqqətini problemə çəkmişdi. Onların arasında, parlamentin spikeri Ararat Mirzoyan, Ermənistanın baş nazirinin mətbuat katibi Arman Davoyan, millət vəkilləri Arman Babacanyan, Edmond Marukyan və Andranik Koçaryan da var. Ancaq onların hamısı bir anda bu problemi görməz oldular və susmağa qərar verdilər.
Ancaq gəlin bu bəyləri tənqid etməyə tələsməyək. Hamıya məlumdur ki, Rusiya özünə təhlükəli hesab etdiyi məsələlərdə nələr edə bilər. Ümumiyyətlə, biz gərək oyun qaydalarını yaradanın kimliyi barədə danışsaq daha düzgün olar. Təəssüf ki, bizim “strateji müttəfiqimiz” təxribatçı adlandırıla bilməyən addımlarla təkrar-təkrar addımlar atır. Söhbət əlbəttə ki, yalnız Poklonskayadan getmir. Hamıya məlumdur ki, bu gənc xanım, sadəcə Kremlin əlində bir alətdir.
Yeri gəlmişkən, Poklonskaya bu yaxınlarda Rusiya nümayəndə heyətinin tərkibində Türkiyədə Ərdoğanla görüşmüşdü. Nədənsə Ukraynada xüsusi etirazlar olmadı. Artıq Kiyev Ankara ilə münasibətləri “krım bizimdir” qışqıran birisi səbəbindən poza bilməz. Ancaq böyük təəssüfümüzə görə, Ermənistan Ukrayna üçün Türkiyə qədər vacib deyil. Ölkə rəhbərliyi bundan xəbərdar ola bilməz. Buna görə, “strateji müttəfiqlərin” onları nəyə cəlb etdiyini başa düşür. Şantaj və təhdid dilinə üstünlük verənləri.
Bəli, Poklonskayanı yoxlamaqdan əlavə, Kremldən qaz şantajını da görürük. Azərbaycan rəhbərliyinin söz təxribatlarına Rusiyanın dəstəyini də. Bu, Amerikanın böyüklüyünün fonunda xüsusilə seçilən Rusiya alçaqlığıdır. Axı bu, təkcə bizim üçün başa düşülən deyil, bütün dünyada ruslara bu barədə açıq deyirlər.
Putin və onun dəstəsi Rusiyanı bütün dünyada nifrət edilən bir dövlətə çevirdilər! Bu barədə təkcə sözlər demir, rəqəmlər qışqırır.
Budur, bu sərt statistika: kanadalıların 60%-i, Amerikalıların 64%-i, Almanların 59%-i, fransız və ispanların 66%-i, ingilislərin 67%-i, isveç və hollandların 79%-i, polyakların 69%-i Rusiyaya qarşı mənfi münasibətlərindən danışırlar. Putinin özünə kanadalıların 72%, amerikalıların 74%, almanların 80%, fransızların 79%, ingilislərin 75%, isveçlərin 80%, hollandların 85% və polyakların 89%-i etibar etmir. Ukraynalılar və gürcülər haqqında danışmaq bir qədər düzgün deyil. Elə Ermənistan vətəndaşları haqqında da. Və bu bizim günahımız deyil. Rusiya özü özünə olan nifrəti artırmaq üçün hər şeyi etdi.
Qraçya Qalustyan,
Tərcümə KONKRET.az-ındır.