Rusiya Federasiyasının Nyu-Yorkdakı Baş Konsulluğu ABŞ-da COVID-19-un yayılması səbəbindən yaranan əlverişsiz epidemioloji vəziyyətə görə 2020-ci ilin sonuna qədər fəaliyyətini dayandıracağını açıqlayıb.
KONKRET.az xəbər verir ki, bu barədə Baş Konsulluğun “Twitter” səhifəsində yazılıb.
“Epidemioloji vəziyyətin kəskinləşməsi səbəbindən Rusiyanın Nyu-Yorkdakı Baş Konsulluğu bu ilin sonunadək karantin üçün müvəqqəti olaraq bağlanacaq. Əvvəllər müəyyən olunmuş vaxtda görüş təyin edən ziyarətçilər iş bərpa edildikdən sonra prioritetə uyğun qaydada qəbul ediləcəklər”, – deyə məlumatda qeyd edilir.