Baykal gölündə 6,0 bal gücündə zəlzələ qeydə alınıb.

KONKRET.az xəbər verir ki, bu barədə Fövqəladə Hallar Nazirliyinin İrkutsk vilayəti üzrə Baş İdarəsinin mətbuat xidməti məlumat yayıb.

“Moskva vaxtı ilə 02:07-də]Olxonski rayonunun Qremyaçinsk kəndindən 50 km aralıda, Baykal gölünün sularında seysmik hadisə qeydə alınıb. Zəlzələnin episentrində intensivlik 6.0 təşkil edir”, – departamentin Telegram-kanalında yayılan məlumatda deyilir.

Eyni zamanda, Ulan-Udedə zəlzələnin intensivliyi 3-4 bal, İrkutsk, Xomutovo, Dzerjinsk, Nijni Sayantuy, Smolensk vilayəti, Sotnikovoda 3 bal olub.

Qeyd edək ki, mayın 11-də Kamçatkada 5,2 bal gücündə zəlzələ baş vermişdi. Zəlzələ Petropavlovsk-Kamçatsk şəhərindən 60 km aralıda qeydə alınıb. Həmçinin, Rusiya Fövqəladə Hallar Nazirliyinin Kamçatka ərazisi üzrə baş idarəsi öz Telegram kanalında Avaçinski körfəzində seysmik hadisə baş verdiyini bildirib.

Rəsmiyyə Şərifova,

KONKRET.az