Rusiya ordusunun Ukraynanın Vinnitsa şəhərinə raket hücumu nəticəsində ölənlərin sayı 26-ya çatıb.

KONKRET.az UNİAN-a istinadən xəbər verir ki, bu barədə Vinnitsa regional administrasiyasının rəhbəri Sergey Borzov Telegram-da paylaşım edib:

“20 yaşlı Olqa Lısenko aparıldığı xəstəxanada dünyasını dəyişib. İyulun 14-də hücum baş verən zaman o, Qələbə meydanında olub. Hücum nəticəsində onun bədəninin 98 faizi yanıb. Ailəsinə və yaxınlarına başsağlığı verirəm”.

Qeyd edək ki, iyulun 14-də Rusiya Ukraynanın Vinnitsa şəhərinə raket zərbələri endirib. Rusiyanın atdığı “Kalibr” raketlərindən biri zabitlər evinə, digəri isə hərbi komissarlığın ərazisinə düşüb.

İqbal Rzayev,

KONKRET.az