Samux rayonunda çaydakı balıqlara eletrik cərəyanı verilərək məhv edildiyi bildirilib.

KONKRET.az xəbər verir ki,bu barədə BAKU.WS-ə video və məlumat göndərilib.

Qeyd edilib ki, Kür çayının Samuxun Yeni kənd kəndindən keçən hissəsində balıqlara elektrik cərəyanı verilərək öldürülür. Bu barədə yerli sakinlər çaydan kadrlar lentə alıblar.

Məsələ ilə bağlı Ekologiya və Təbii Sərvətlər Nazirliyinə müraciət etdik.

Dövlət Ekoloji Təhlükəsizlik xidmətində bildirildi ki, sözügedən məsələ araşdırılacaq və qanuna müvafiq tədbir görüləcək.