“Tofiq Yaqublu məsələsini çox uzatdıq deyəsən”.

KONKRET.az-ın xəbərinə görə, bunu jurnalist Azər Həsrət deyib.

“Məncə, artıq onu açıb buraxmaq, məsələni də qapatmaq lazımdır. Törətdiyi əməl də xüsusi təhlükəli deyil və belə əməllərə görə heç adamı tutmurlar da. Bu arada xatırladım ki, bir vaxtlar İlqar Məmmədov məsələsi də belə uzanırdı və şəxsən mən onun həbsdə saxlanmasının zərərli olduğunu dəfələrlə demişəm. Lakin eşidənmi vardı? Bəs sonra nə oldu? Sonra dövlətimiz onun haqqını tanıdı və hətta təzminat da ödədi. Arada biz pis olduq. Ona görə də Tofiq Yaqublunu buraxmaq lazımdır. Demədi deməyin, sonra gec olacaq” – A.Həsrət qeyd edib.