Rusiyada Ukraynaya qarşı vuruşmaq üçün yaradılan “Arbat” xüsusi təyinatlı erməni muzdlu batalyonunun komandiri Ayk Qasparyan ölüb.
KONKRET.az Rusiya KİV-ə istinadən xəbər verir ki, Qasparyan fevralın 9-da döyüş əməliyyatını yerinə yetirərkən öldürülüb.
Bildirilir ki, Qasparyan 2023-cü ildən “Arbat”ın komandiri vəzifəsini yerinə yetirirdi. O, keçmiş “Vaqner” üzvüdür. Rusiya Prezidenti Vladimir Putin 2022-ci ildə onu “Cəsarətə görə” medalı ilə təltif etmişdi.
Məlumata görə, “Arbat” 2022-ci ildə kriminal avtoritet Armen Sarkisyan tərəfindən yaradılıb və 2023-cü ildən Rusiya Müdafiə Nazirliyinin tərkibində fəaliyyət göstərir. Sarkisyan 2025-ci ilin fevralında Moskvada partlayış nəticəsində öldürülüb.\\Oxu.Az