Hazırkı nəticəyə görə, Vahid Rusiya Partiyası Dövlət Dumasında 450 yerdən 355-ni əldə edib.

KONKRET.az xəbər verir ki, bu barədə Rusiya Mərkəzi Seçki Komissiyasının sədri Ella Pamfilova deyib.

“Rusiya Kommunist Partiyası 40, Rusiya Liberal Demokrat Partiyası 25 və Yeni İnsanlar Partiyası 20 yer əldə edib”, – Pamfilova bildirib.

Seçkilərin yekun nəticələri sentyabrın 25-də açıqlanacaq.

Qeyd edək ki, Vahid Rusiya Partiyası 2021-ci il Dövlət Duması seçkilərində 324 yer qazanmışdı.