Zaqatalada yaşayış evi tamamilə yanıb.
KONKRET.az-ın məlumatına yanğın bu gün günorta saatlarında rayonun Yuxarı Tala kəndində, kənd sakini Nəcməddin Ağayevə məxsus ümumi sahəsi 144 kv/m olan ikimərtəbəli fərdi yaşayış evində baş verib. Hadisə yerinə Fövqaladə Hallar Nazirliyinin (FHN) Zaqatala rayon Dövlət Yanğından Mühafizə Hissəsinin texnikaları və şəxsi heyəti cəlb olunub. Yanğın nəticəsində evin yanar konstruksiyaları içərisindəki ev əşyaları ilə birlikdə tamamilə yanıb. Yanğın zamanı xəsarət alan olmayıb.
Faktla bağlı araşdırma aparılır.
Qafqazinfo.az