Yaponiyada 33 yaşlı musiqi prodüseri Honkon xəyal etdiyi avtomobili almaq üçün 10 il pul yığıb. Ancaq sevinci uzun sürməyib.

KONKRET.az xəbər verir ki, çünki avtomobili alandan cəmi bir saat sonra yanıb.

Honkon sosial media hesabında yazıb ki, lüks “Ferrari”ni aldıqtan qısa müddət sonra avtomobildən tüstü çıxmağa başlayıb. O, dərhal avtomobildən düşərək uzaqlaşıb və az sonra maşın alov topuna çevrilib.

“Partlayacağından çox qorxdum,” — deyə yaşadığı dəhşətli anları təsvir edən Honkon, hadisədən xəsarət almadan sağ çıxıb.

Aynurə İsmayıl

KONKRET.az