Üç günlük qarpız pəhrizi üç kiloqram arıqlamağa kömək edə bilər.
KONKRET.az xəbər verir ki, bunu tibb elmləri doktoru, dietoloq Marqarita Koroleva deyib.
Onun sözlərinə görə, qarpız bütün faydalı xüsusiyyətlərə malik olan aşağı kalorili bir məhsuldur.
“10 kiloqram artıq çəkisi olanlar pəhriz zamanı 1 kiloqram yarım qarpız yeyə bilərlər. Kişilər üçün bir az daha çox – 1,7 kiloqram ola bilər.
Bu miqdarı altı hissəyə bölmək, oyandıqdan sonrakı ilk saatdan axşam saat 7-yə qədər bərabər paylamaq lazımdır”, – deyə o izah edib.
Həkim bundan əlavə, hər gün 2-2,5 litr su içməyin vacib olduğunu bildirib.
O, pəhrizi 3 gündən artıq davam etdirməyi məsləhət görməyib.(medicinaaz)