Ukrayna ordusu Xerson vilayətində rus hərbçilərinin olduğu binaya raket zərbələri endirib.

KONKRET.az xəbər verir ki, bu barədə Ukrayna Baş Qərargahı məlumat yayıb.

“Dnepryane yaşayış məntəqəsində içərisində 500 nəfərədək rus hərbçisinin olduğu binaya yüksək dəqiqlikli zərbələr endirilib. Zərbələr nəticəsində Tavriya istiqamətində iki yük maşını dolu meyit aparılıb”, – məlumatda bildirilib.

Qeyd olunub ki, yaxınlıqdakı hospitallara 56 yaralı çatdırılıb ki, onların da 16-sı dərhal ölüb. Rusların itkilərinin dəqiq sayı dəqiqləşdirilir.