Rusiyanın Kirov vilayətində ananın səhlənkarlığı uşağın ölümünə səbəb olub.

KONKRET.az “RİA Novosti”yə istinadən xəbər verir ki, Mariya Plenkina azyaşlı qızını günlərlə evdə nəzarətsiz qoyaraq gedib.

Aclıq və soyuq üç yaşlı uşağın ölümünə səbəb olub.

Xüsusi qəddarlıqla qızının ölümünə səbəb olan anaya hökm oxunub.

Məhkəmə qərarı ilə o, 13 il müddətinə azadlıqdan məhrum edilib.

Qadın, eyni zamanda, 7 min rubl (193 AZN) məbləğində cərimə ödəyəcək.

Məhkəmə prosesində Plenkina ərinin uşaq doğulandan sonra onları atıb getdiyini bildirib, lakin övladını nə üçün günlərlə ac-susuz, nəzarətsiz qoyduğunu açıqlamayıb. Məlum olub ki, anası və nənəsi maddi ehtiyacları üçün onları pulla təmin edib. Lakin qadın pulu başqa məqsədlər üçün xərcləyib.

Psixiatr qadının psixi problemlərinin olmadığını, eyni zamanda, insanlara qarşı empatiya duymayan və qeyri-həssas insan olduğunu bildirib.

Qafqazinfo.az