Azərbaycan Voleybol Federasiyasının (AVF) sabiq vitse-prezidenti Vaqif Əliyev vəfat edib.
KONKRET.az xəbər verir ki, AVF-dən verilən məlumata görə, “Fəxri bədən tərbiyəsi və idman işçisi”, “Azərbaycan Respublikasının Əməkdar Bədən tərbiyəsi və İdman Xadimi” adına layiq görülmüş funksioner uzun sürən xəstəlikdən dünyasını dəyişib.
Uzun illər Milli olimpiya Komitəsində İcraiyyə Komitəsinin, Gənclər və İdman Nazirliyində isə kollegiyanın üzvü olmuş V.Əliyev məşqçi və hakim kimi də fəaliyyət göstərib. “Report”