16:59 

Koronavirusdan müalicə alanların yerləşdirildiyi Cəlilabad Rayon Mərkəzi Xəstəxanasında maraqlı hadisə baş verib.

KONKRET.az xəbər verir ki, unikal.org-un əldə etdiyi məlumata görə, xəstəxanada yemək verilməsi üçün nəzərdə tutulan qablar və əşyalar sellofan kisələrə yığılaraq həyətə boşaldılıb.

Xəstəxana əməkdaşlarının hansı səbəbdən bu addımı atdığı dəqiq bilinmir.

***

KONKRET.az xəbər verir ki, modern.az məsələni dəqiqləşdirmək üçün Cəlilabad rayon İcra Hakimiyyəti ilə əlaqə yaradıb.

İcra Hakimiyəti başçısının müavini, ictimai-siyasi və humanitar məsələlər şöbəsinin müdiri Elnarə Həsənova görüntülərin həqiqəti əks etdirmədiyini deyib:

“Bəlkə də yayılan görüntülər montajdır. Çünki xəstələrin istifadə etdiyi ləvazimatlar xüsusi tullantı yerinə xüsusi işçilər vasitəsilə göndərilir. Yəni mümkün deyil ki, həmin əşyalar çölə-bayıra atılsın”.

Qeyd edək ki, koronavirusun əşya üzərində yaşama müddəti bir neçə saatdır və həqiqətən də bu əşyalar necə gəldi ətrafa boşaldılarsa, real təhlükə yarada bilər.